Hengifoss Food Truck er matarvagn sem býður upp á vöfflur, ís og súpu við Hengifossárgil.
Vagninn stendur utan við gilið, gegnt bílaplaninu þar sem lagt er áður en gengið er upp að Hengifossi. Við þjónustum þá sem koma svangir niður, eða vilja fá sér orkuskot áður en lagt er á brattann. Við bjóðum vöfflur eftir uppskriftinni hennar ömmu, matarmiklar súpur og rómaðan ís, þar með talið eina sauðamjólkurísinn á Íslandi. Allt þetta gerum við sjálf og ferskt.
